Arkivet: Soulman Bobby
Bobby Womack blei kalla den største soulsongaren av alle. Det vart sagt at han song for å drive ut demonane sine.
Til liks med mentoren Sam Cooke starta han i gospel. Cooke hadde sitt eige plateselskap og såg det råe talentet til 17-åringen Bobby som song i The Womack Brothers. Han lét dei spele inn gospel for å lokke dei over i pop.
«Couldn’t hear nobody pray» selde ikkje, og brørne møtte opp i studio igjen under namnet The Valentinos. Sam Cooke-teamet hadde forvandla hymnen til poplåten «Lookin for a Love».
Med Womack i front song dei seg inn på hitlistene. Han blei gitaristen til Sam Cooke, og i 1964 nådde The Valentinos så vidt å få «It’s All Over Now» inn på Hot 100 før The Rolling Stones stal låten som Womack og svigerinna hadde skrive.
Så blei idolet Sam Cooke drepen under uklare omstende. Womack satsa på ein solokarriere, men radiostasjonane nekta å spele han fordi han hadde hatt eit forhold til kona til Cooke og gifta seg med henne alt mens drapet var under etterforsking. Han gjekk i dekning som låtskrivar og studiogitarist før han gjekk solo med ei makelaus «Fly Me to the Moon»-tolking. Etter tretti album og femti år i manesjen døydde han med støvlane på i 2014.
Øyvind Pharo
Øyvind Pharo er litteraturvitar, musikkskribent og DJ.
Er du abonnent? Logg på her for å lese vidare.
Digital tilgang til DAG OG TID – heilt utan binding
Prøv ein månad for kr 49.
Deretter kr 199 per månad. Stopp når du vil.
Bobby Womack blei kalla den største soulsongaren av alle. Det vart sagt at han song for å drive ut demonane sine.
Til liks med mentoren Sam Cooke starta han i gospel. Cooke hadde sitt eige plateselskap og såg det råe talentet til 17-åringen Bobby som song i The Womack Brothers. Han lét dei spele inn gospel for å lokke dei over i pop.
«Couldn’t hear nobody pray» selde ikkje, og brørne møtte opp i studio igjen under namnet The Valentinos. Sam Cooke-teamet hadde forvandla hymnen til poplåten «Lookin for a Love».
Med Womack i front song dei seg inn på hitlistene. Han blei gitaristen til Sam Cooke, og i 1964 nådde The Valentinos så vidt å få «It’s All Over Now» inn på Hot 100 før The Rolling Stones stal låten som Womack og svigerinna hadde skrive.
Så blei idolet Sam Cooke drepen under uklare omstende. Womack satsa på ein solokarriere, men radiostasjonane nekta å spele han fordi han hadde hatt eit forhold til kona til Cooke og gifta seg med henne alt mens drapet var under etterforsking. Han gjekk i dekning som låtskrivar og studiogitarist før han gjekk solo med ei makelaus «Fly Me to the Moon»-tolking. Etter tretti album og femti år i manesjen døydde han med støvlane på i 2014.
Øyvind Pharo
Øyvind Pharo er litteraturvitar, musikkskribent og DJ.
Fleire artiklar
Teikning: May Linn Clement
Å forveksla aggressor med forsvarar
«Etter at Putin kom til makta hausten 1999, har Russland ført ei heil rad med krigar.»
Den nyfødde kalven.
Foto: Hilde Lussand Selheim
Ei ny Ameline er fødd
Vårsøg – også kalla Tripso sidan ho var så skvetten som ung, spissa øyro for ingenting og trippa med beina inn og ut av fjøset – fekk ein ny kalv natt til 13. mai.
Emma (Fanny L. Bornedal) arbeider som nattevakt ved rettsmedisinsk institutt, der foreldra i si tid vart utsette for drapsforsøk.
Foto: Another World Entertainment
Skrekkeleg skuffande
Likte du Nattevakten, kjem du ikkje til å elska Nattevakten: Demoner går i arv, dersom det var det du håpte på.
Som låtskrivar er Jessica Pratt meir oppteken av stemningar enn forteljingar, meiner Øyvind Vågnes.
Foto: Samuel Hess
Mindre er meir
Den nye plata til Jessica Pratt, Here in the Pitch, er hennar beste så langt.
Blaz (Aristote Luyindula) (t.v.) har ikkje stor tiltru til systemet, men aktivisten Haby (Anta Diaw) kjempar for å forbetre tilhøva i den falleferdige bustadblokka deira.
Foto: Laurent le Crabe
Oppussinga
Ladj Ly lenar seg mot melodrama etter ein rå debut.