Alle elskar Lars Saabye Christensen. Lista over prisane og utmerkingane han har fått, er så lang at ein lyt ta kaffipause midtvegs for å kome gjennom. Den høgsthengande litterære prisen i Norden, Nordisk råds litteraturpris, fekk han i 2002. Det er vanskeleg å kome på ein pris han ikkje har. Til og med filmfolkets Amandapris har han, som manusforfattar, og Spellemannprisen er han vorten nominert til som tekstforfattar til albumet Et stille sted med Maj Britt Andersen.