Me skal tenkja før me talar, men her skal me fyrst og fremst tala om tenkja. Det kan tenkjast at dette ordet er ein tanke for stort for denne spalta. For tenkja er tenkjande til so mangt. Det kan til dømes tyda ‘grunda’ («tenkja so det knakar»), ‘fantasera’ («tenkja seg tilbake til fortida») og ‘etla’ («pengane var tenkte til noko anna»). Det ligg nær å tenkja at dette mangslungne ordet har meir enn éin tanke i hovudet. Tenk om me hadde vore tankelesarar!