Kviterussland driv eit kynisk maktpolitisk spel med bruk av menneske i ein prekær situasjon der alt tyder på at dei lokkar og sender migrantar – mange av dei er sikkert flyktningar òg – til den polske grensa. Alt for å hemna seg på sanksjonane som EU har innført mot Kviterussland. Situasjonen er ekstra vanskeleg fordi den kviterussiske diktatoren Alexandr Lukasjenko er ustabil og uføreseieleg. Dessutan har han i denne saka openbert støtte frå Russland.