Kort oppsummering

Kva for data vi samlar inn og lagrar

Her i DAG OG TID har vi lagra den informasjonen om abonnentane våre som vi meiner er naudsynt for at vi skal fa° papiravisa fram og/eller gje tilgang til e-avisa va°r, gje aktuelle tilbod om avistenestene va°re og sende deg faktura. Vi har difor registrert følgjande opplysningar:

- Namn

- Adresse

- Telefonnummer

- E-post

- Fødselsdato

- I tillegg har vi registrert opplysningar om kjønn, kjøps- og fakturahistorikk

For å endre på ei eller fleire av desse opplysningane, gå til dagogtid.no/DT-sida-mi.

Korleis vi behandlar data

DAG OG TID tek personvern på alvor. Vi lagrar berre data som er naudsynt for vår verksemd og våre føremål, og vi avgrensar tilgangen berre til dei som treng det. For lagring og behandling av personopplysningar nyttar vi oss av få underleverandørar, som vi har eigne databehandlaravtalar med:

- MediaConnect

- HubSpot

- InsightOne / Iper

- Make.com

- Hightouch

- Heap

- Hotjar

- Sakari SMS

Slette eller flytte data

Om du ønskjer å slette eller flytte dine data, så kan du skrive ein e-post til tinging@dagogtid.no

Oppbevaring av personopplysningar

Det er vigtig for oss at dei personlege opplysningane dine vert oppbevarte sikkert og fortruleg.

Tilgangen til alle registrerte brukardata på www.dagogtid.no er avgrensa til utvalde medarbeidarar i DAG OG TID, og tryggingsrutinane våre vert kontrollerte heile tida for å sikre at opplysningar om brukarane våre vert handterte forsvarleg og slik at vi heile tida tek omsyn til rettigheitene til brukaren.

Det er desverre ikkje mogleg å garantere 100 prosent sikkerheit ved dataoverføring via internett. Når data vert sende og lagra elektronisk, er det alltid ein risiko for at andre uberettiga skaffar seg tilgang til beskytta data før dei når servarane våre. Så sjølv om vi prøver alt vi kan for å sikre opplysningane dine, kan vi ikkje garantere fullt ut at ikkje andre får tak i dei opplysningane du gjev frå deg.

Du sender altså opplysningane dine på eige ansvar.

Når du registrerer deg på www.dagogtid.no eller på anna vis oppgir opplysningar om deg sjølv til oss, sel vi under ingen omstende opplysningar som kan knytast til identifiserbare individ til tredjepart utan at du har gjeve oss løyve til det.

På same måten vert heller ikkje loggfiler og annan standardinformasjion gjeven vidare eller seld til tredjepart.

Vilkår for abonnement

Abonnementsvilkår for DAG OG TID

* Eit abonnement på vekeavisa DAG OG TID består av anten papiravisa eller ei elektronisk utgåve av denne eller ein kombinasjon av begge («komplett»).

* Abonnementsprisen er den same i heile verda.

* Abonnementet er løpande fram til det vert sagt opp av abonnenten. Manglande betaling vert ikkje rekna som oppseiing. Eit unntak frå dette er gåveabonnement, som stoppar automatisk dersom ikkje gjevaren har meldt frå at han vil betale det fast. Det same gjeld visse tilbod, som til dømes tre gratis prøvenummer.

* Varsel om fornying av abonnementet vert sendt om lag ein månad før forfall. Betaling må skje innan forfall for å unngå opphald i leveringa.

* DAG OG TID vert levert med avisbod frå det regionale distribusjonsselskapet der det er mogleg, elles med Posten. Det er viktig at abonnenten passar på at leveringsadressa er korrekt og utfyllande (til dømes opplysning om etasje der avisa vert levert på døra) og at postkassa er godt merka dersom den skal brukast.

* Ved stopp på grunn av manglande betaling av tilbod, vil det verte sendt faktura basert på fullpris for den perioden avisa er levert.

* Tilbodsabonnement med redusert pris går over til normalpris etter tilbodsperioden dersom abonnementet ikkje vert stoppa. Det er ikkje mogeleg å bestille fleire tilbodsabonnement på rad.

Betaling

Det er kjøparen som har ansvaret for at dei kort- og kontoopplysningane som er oppgitt, er korrekte. Du vil motta ei kvittering pr. e-post når du har gjennomført kjøpet ditt. Kvitteringa bør du ta vare på. DAG OG TID AS lagrar kortopplysningar gjennom samarbeidspartnaren vår MediaConnect. Ved kjøp av digital tilgang eller eit anna abonnement hos oss aksepterer du handels- og leveringsvilkåra til DAG OG TID.

Angrefrist

Som forbrukar har du høve til å angre kjøpet ditt innan 14 dagar frå kjøpstidspunktet.

Sikkerheit/brukartilgang

Tilgangen til e-aviser er personleg. Derfor må brukarnamn og passord ikkje delast med andre enn medlemer av husstanden din.

Brukarprofilen gjev tilgang for berre ei eining samstundes. Kontakt oss dersom du har problem med å logge inn.

Dersom brukarnamn/passord eller tilgangen til e-avisa vert misbrukt på nokon måte, har DAG OG TID rett til å stenge tilgangen til abonnementet når som helst.

Kopiering m.v.

Artiklar, fotografi, grafikk og anna offentliggjort materiale på www.dagogtid.no, i papiravisa vår og i e-avisa vår vert stilt til rådvelde for vising/lesing. Du kan skrive ut einskilde kopiar til din eigen private bruk. Dette løyvet gjeld berre fysiske personar. Ei verksemd kan såleis ikkje skrive ut artiklar eller anna, heller ikkje til bruk for kopiering til medarbeidarar i verksemda. Du som privatperson kan gjerne ta ein kopi i digital form, så sant det berre skjer til din eigen personlege bruk innanfor husstanden.

Bruk og eksemplarframstilling ut over dette krev tydeleg, skriftleg avtale med DAG OG TID. Dersom du er i tvil om kva du kan kopiere og korleis, ber vi deg kontakte oss.

Detaljerte vilkår

Innleiing

Dette kjøpet er regulert av standard salsvilkår for forbrukarkjøp av varer over internett. Forbrukarkjøp over internett vert hovudsakleg regulert av avtalelova, forbrukarkjøpslova, marknadsføringslova, angrerettlova og ehandelslova, og desse lovene gjev forbrukaren ufråvikelege rettar. Lovene er tilgjengelege på www.lovdata.no. Vilkåra i denne avtalen skal ikkje forståast som noka avgrensing i dei lovvedtekne rettane, men stiller opp dei viktigaste rettane og pliktene partane har for handelen. Salsvilkåra er utarbeidde og tilrådde av Forbrukartilsynet.

1. Avtalen

Avtalen inneheld desse salsvilkåra, opplysningar gjevne i tingingsløysinga og eventuelle særskilt avtalte vilkår. I ein eventuell motstrid om opplysningane har det som er særskilt avtalt mellom partane, prioritet, så lenge det ikkje strir med ufråvikeleg lovgjeving.

Avtalen vil i tillegg verte utfylt av relevante lovvedtak som regulerer kjøp av varer mellom næringsdrivande og forbrukarar.

2. Partane

Seljar er Dag og Tid AS, PB 7044 St. Olavs plass 0130 Oslo, tinging@dagogtid.no, telefon 21 50 47 00, organisasjonsnummer 911092417 og vert i det følgjande kalla seljar/seljaren.

Kjøpar er den forbrukaren som tingar vara, og vert kalla kjøpar/kjøparen.

3. Pris

Den oppgjevne prisen for varer og tenester er den totale prisen kjøpar skal betale. I denne prisen er alle avgifter og tilleggskostnader medrekna. Ytterlegare kostnader som seljar før kjøpet ikkje har informert om, skal kjøpar ikkje bere.

4. Avtaleinngåing

Avtalen er bindande for begge partar når kjøparen har sendt tinginga si til seljaren.

Avtalen er likevel ikkje bindande dersom det har førekome skrive- eller tastefeil i tilbodet frå seljaren i tingingsløysinga i nettbutikken, eller i tinginga til kjøparen, og den andre parten innsåg eller burde ha innsett at noko var feil.

5. Betalinga

Seljaren kan krevje betaling for vara frå det tidspunktet ho vert send frå seljaren til kjøparen.

Dersom kjøparen brukar kredittkort eller debetkort ved betaling, kan seljaren reservere kjøpesummen på kortet ved tinging. Kortet vert debitert same dag som vara vert send.

Ved betaling med faktura vert fakturaen utskriven når vara vert send. Betalingsfristen står på fakturaen og er på minimum 14 dagar frå mottak.

Kjøparar under 18 år kan ikkje betale med etterfølgjande faktura.

6. Levering

Levering har skjedd når kjøparen, eller den som representerer han, har motteke vara eller tenesta.

Dersom ikkje leveringstidspunktet kjem fram av tingingsløysinga, skal seljaren levere vara til kjøparen utan unødvendig opphald og seinast 30 dagar etter tinginga frå kunden. Vara skal leverast hos kjøparen med mindre anna er særskilt avtalt mellom partane.

7. Risikoen for vara

Risikoen for vara går over på kjøpar når han, eller representanten hans, har fått varene leverte i tråd med punkt 6.

8. Angrerett

Med mindre avtalen er unnateke frå angrerett kan kjøparen angre kjøpet av vara etter angrerettlova.

Kjøparen må gje seljaren melding om bruk av angreretten innan 14 dagar frå fristen tek til. I fristen er alle kalenderdagar medrekna. Dersom fristen endar på ein laurdag, heilagdag eller høgtidsdag, vert fristen forlengd til næraste kvardag.

Angrefristen er overhalden dersom melding er send før fristen er ute. Kjøpar må prove at angreretten er gjort gjeldande, og meldinga før difor skje skriftleg (angrerettskjema, e-post eller brev).

Angrefristen tek frå dagen etter første avis er motteken eller frå første dagen med digital tilgang.

Angrefristen vert utvida til tolv månader etter den opphavlege fristen dersom seljar ikkje før avtaleinngåinga opplyser om at angrerett og standardisert angreskjema ligg føre. Tilsvarande gjeld ved manglande opplysning om vilkår, tidsfristar og framgangsmåte for å nytte angreretten. Sørgjer den næringsdrivande for å gje opplysningane i løpet av desse tolv månadene, går angrefristen likevel ut 14 dagar etter den dagen kjøparen fekk opplysningane.

Seljaren er forplikta til å betale tilbake kjøpesummen til kjøparen utan unødig opphald og seinast 14 dagar frå seljaren fekk melding om at kjøparen ville nytte angreretten. Seljar har rett til å halde tilbake betalinga til han har motteke varene frå kjøparen, eller til kjøpar har lagt fram dokumentasjon på at varene er sende tilbake.

9. Forseinking og manglande levering – kjøparrettar og frist for å melde krav

Dersom seljaren ikkje leverer vara eller leverer ho for seint etter avtalen mellom partane, og dette ikkje kan lastast kjøparen eller forhold på kjøparens side, kan kjøparen etter reglane i kapittel 5 i forbrukarkjøpslova etter omstenda halde kjøpesummen tilbake, krevje oppfylling, heve avtalen og/eller krevje erstatning frå seljaren.

Ved krav om misleghaldsrettar bør meldinga av omsyn til prov vere skriftleg (til dømes e-post).

Oppfylling

Kjøpar kan fasthalde kjøpet og krevje at seljar oppfyller det. Kjøpar kan likevel ikkje krevje oppfylling dersom det føreligg ei hindring som seljaren ikkje kan overvinne, eller dersom oppfylling fører til ei så stor ulempe eller kostnad for seljar at det står i vesentleg misforhold til kjøparens interesse i at seljaren oppfyller kjøpet. Skulle vanskane falle vekk innan rimeleg tid, kan kjøpar likevel krevje oppfylling.

Kjøparen taper retten til å krevje oppfylling om han eller ho ventar urimeleg lenge med å fremje kravet.

Heving

Dersom seljaren ikkje leverer vara på leveringstidspunktet, skal kjøparen oppmode seljar om å levere inn ein rimeleg tilleggsfrist for oppfylling. Dersom seljar ikkje leverer vara innan tilleggsfristen, kan kjøparen heve kjøpet.

Kjøpar kan heve kjøpet straks dersom seljar nektar å levere vara. Tilsvarande gjeld dersom levering til avtalt tid var avgjerande for inngåinga av avtalen, eller dersom kjøparen har opplyst seljar om at leveringstidspunktet er avgjerande.

Erstatning

Kjøparen kan krevje erstatning for tap han har lide som følgje av forseinkinga. Dette gjeld likevel ikkje dersom seljaren godtgjer at forseinkinga kjem av ei hindring som seljar ikkje har kontroll over, og som han ikkje kunne ha teke omsyn til i avtaletida, unngått eller overvunne følgjene av.

10. Mangel ved vara – kjøparrettar og reklamasjonsfrist

Dersom vara har ein mangel, må kjøpar innan rimeleg tid etter at mangelen vart oppdaga eller burde ha vorte oppdaga, gje seljar melding om at han eller ho vil melde frå om mangelen. Kjøpar har alltid reklamert tidsnok dersom det skjer innan to månader frå mangelen vart oppdaga eller burde ha vorte oppdaga. Reklamasjon kan skje seinast to år etter at kjøpar overtok vara. Dersom vara eller delar av vara er meint å vare vesentleg lenger enn to år, er reklamasjonsfristen fem år.

Dersom vara har ein mangel og det ikkje kan lastast kjøparen eller forhold på kjøparens side, kan kjøparen etter reglane i kapittel 6 i forbrukarkjøpslova etter omstenda halde kjøpesummen tilbake, velje mellom retting og omlevering, krevje prisavslag, krevje avtalen heva og/eller krevje erstatning frå seljaren.

Reklamasjon til seljaren bør skje skriftleg.

Retting eller omlevering

Kjøparen kan velje mellom å krevje mangelen retta eller levering av tilsvarande vare. Seljar kan likevel motsetje seg krav frå kjøparen dersom gjennomføringa av kravet er uråd eller valdar seljaren urimelege kostnader. Retting eller omlevering skal skje innan rimeleg tid. Seljar i utgangspunktet ikkje rett til å gjere meir enn to avhjelpsforsøk for same mangel.

Prisavslag

Kjøpar kan krevje eit passande prisavslag dersom mangelen ikkje vert retta eller vara omlevert. Dette inneber at forholdet mellom nedsett og avtalt pris svarar til forholda mellom verdien vara har med mangel og etter kontrakten. Dersom særlege grunnar talar for det, kan prisavslaget i staden setjast lik det mangelen har å seie for kjøparen.

Heving

Dersom vara ikkje er retta eller omlevert, kan kjøparen òg heve kjøpet når mangelen ikkje er uvesentleg.

11. Seljars rettar ved kjøpars misleghald

Dersom kjøparen ikkje betalar eller oppfyller andre plikter etter avtalen eller lova, og dette ikkje kan lastast seljaren eller forhold på seljars side, kan seljaren etter reglane i kapittel 9 i forbrukarkjøpslova etter omstenda halde vara tilbake, krevje oppfylling av avtalen, krevje avtalen heva og krevje erstatning frå kjøparen. Seljaren vil òg etter omstenda kunne krevje renter ved forseinka betaling, inkassogebyr og eit rimeleg gebyr ved uavhenta varer.

Oppfylling

Seljar kan fasthalde kjøpet og krevje at kjøparen betalar kjøpesummen. Er vara ikkje levert, taper seljaren retten sin dersom han ventar urimeleg lenge med å fremje kravet.

Heving

Seljar kan heve avtalen dersom det føreligg vesentleg betalingsmisleghald eller anna vesentleg misleghald frå kjøparen. Seljar kan likevel ikkje heve kjøpet dersom heile kjøpesummen er betalt. Fastset seljar ein rimeleg tilleggsfrist for oppfylling, og kjøpar ikkje betalar innan den fristen, kan seljar heve kjøpet.

Renter ved forseinka betaling/inkassogebyr

Dersom kjøparen ikkje betalar kjøpesummen etter avtalen, kan seljar krevje renter av kjøpesummen etter forseinkingsrentelova. Ved manglande betaling kan kravet, etter føregåande varsel, verte sendt til kjøpar. Han eller ho kan då verte halden ansvarleg for gebyr etter inkassolova.

12. Garanti

Garanti som vert gjeven av seljaren eller produsenten, gjev kjøparen rettar i tillegg til dei kjøparen alt har etter ufråvikeleg lovgjeving. Ein garanti inneber dermed ingen avgrensingar i kjøparens rett til reklamasjon og krav ved forseinking eller manglar etter punkt 9 og 10.

13. Personopplysningar

Seljar er behandlingsansvarleg for innsamla personopplysningar. Med mindre kjøparen samtykka til noko anna, kan seljaren, i tråd med personopplysningslova, berre innhente og lagre dei personopplysningane som er nødvendige for at seljaren skal kunne gjennomføre forpliktingane etter avtalen. Kjøparens personopplysningar vil berre verte utleverte til andre dersom det er nødvendig for at seljar skal få gjennomført avtalen med kjøparen, eller i lovbestemte tilfelle.

14. Konfliktløysing

Klager skal rettast til seljar innan rimeleg tid, jf. Punkt 9 og 10. Partane skal prøve å løyse eventuelle tvistar minneleg. Dersom det ikkje lukkast, kan kjøparen ta kontakt med Forbrukartilsynet for mekling. Forbrukartilsynet er tilgjengeleg på telefon 23 40 06 00.

Europakommisjonens klageportal kan òg nyttast dersom du ønskjer å klage. Det er særleg relevant dersom du er forbrukar busett i eit anna EU-land. Klaga må meldast her: http://ec.europa.eu/odr.