Sport
Best utan press
I morgon byrjar kvalifiseringa til fotball-EM for herrar i Tyskland neste år. Av seksten EM sidan 1960 har me nådd eitt, i 2000. Då var me best utan ball. Sidan har me vore best utan press. I dei siste fem kvalikane har me snubla like før mål.
13. juni 2000 og norsk opningskamp i EM 2000. Nitten minuttar ut i andre omgang vinn Steffen Iversen (18) ein luftduell mot Spanias målvakt José Francisco Molina (22) og vert matchvinnar. Duellen vert fylgd av Pep Guardiola (4) og Ismael Urzaiz (20) på det spanske laget og Dan Eggen (16) på det norske. Artikkelforfattaren sit på tribunen. 13. juni 2000 og norsk opningskamp i EM 2000. Nitten minuttar ut i andre omgang vinn Steffen Iversen (18) ein luftduell mot Spanias målvakt José Francisco Molina (22) og vert matchvinnar. Duellen vert fylgd av Pep Guardiola (4) og Ismael Urzaiz (20) på det spanske laget og Dan Eggen (16) på det norske. Artikkelforfattaren sit på tribunen.
Foto: Tor Richardsen / NTBFoto: Tor Richardsen / NTB
Det er den draumen me ber på, at Noreg skal koma seg til ein meisterskap. Draumen bar eg på ein våt novemberkveld i 1972 då Noreg møtte Nederland borte, i Rotterdam, med 57.000 på tribunen og meg ved radioen heime. Jau, dei hadde Neeskens og Cruyff der me hadde Trygve Bornø og Fuglset-brørne, men dei leia berre 1–0 til pause, og me låg øvst i VM-kvalikgruppa etter siger mot Island i opningskampen. Eg hadde trua eller vona. Men då trettenåringen la seg, hadde Nederland vunne 9-0.
Nei, me kom oss ikkje til VM i 1974. Det var ein mannsalder sidan sist, VM i 1938, før mi tid.
EM-tala
No har det igjen gått ein mannsalder sidan sist me var i ein meisterskap. EM-soga til herrelandslaget er mørk, verre enn OL- og VM-soga. Me har kvalifisert oss til seks fotball-OL og spela i tre verdsmeisterskapar, men vore med i berre eitt av seksten EM –?for 23 år sidan.
Til samanlikning har det norske kvinnelandslaget kvalifisert seg til tolv EM. Med to gull og to sylv er dei den nest beste EM-nasjonen gjennom tidene, etter Tyskland – medan herrelandslaget ligg heilt nede på 32. plass på EMs maratontabell, i lag med Latvia, Albania og Nord-Makedonia, bak Island og Bulgaria.
Gruppa vår
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
