Reportasje
Fjellbygda bit seg fast
RØLDAL: Eg vert glad i bygda og menneska som bur der, og rørt av frykta deira for at samfunnet langsamt vil forsvinna.
Bakveggen på Røldal Litteraturhus – verdas minste – er dekt av eit målarstykke av Marta Dalen, den siste som budde her, med geitene sine i steinkjellaren, til ho døydde for femti år sidan, 93 år gamal.
Alle foto: Håvard Rem
Når folk i Røldal må ringja eit forsikringsselskap eller ein bergingssentral – og det må dei iblant, for her går det jamleg ras –?kan dei få spørsmålet:
– Er du sikker på at du har ringt rett distriktskontor?
Slik kan ein spørja. For kva område høyrer eigenleg Røldal til?
Sentral og isolert
Til Rogaland i sørvest er det to mils veg, men Røldal ligg ikkje i Rogaland. Til Telemark i aust er det eit par mil, men Røldal ligg ikkje i Telemark heller. Til Agder og Bjåen i søraust, bygda før Hovden, er det berre sju mils veg, men Røldal ligg sjølvsagt ikkje på Sørlandet.
Kvar ligg bygda? Formelt høyrer ho til tidlegare Hordaland fylke og Ullensvang kommune, men der ligg ho for seg sjølv, oppi eit hjørne, langt frå administrasjonssenteret Odda.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
