Sport
Fritid i bananform
No er hengekøye eit fritidsprodukt. Yngve Hågensen slappar av i bananform ein sommardag i 1996.
Foto: Bjørn Sigurdsøn / NTB
Å sove i hengekøye er i vinden. Eller er det kanskje alt på veg ut? Det er i alle fall ikkje noko nytt. Sjølvsagt var det Kristoffer Columbus som oppdaga hengekøya, i Karibia på 1400-talet. I hengekøya kunne dei sove på luftig vis utan å bli drepne av rovdyr. Blei det for kaldt, tende dei bål under køya.
Historisk har hengekøya blitt brukt som senger på skip, og faktisk i fengsel. Genialt fordi ein slik kunne få fleire fangar inn på kvart rom, ikkje så smart då dei innsette fann ut at dei kunne bruke opphenget til våpen.
Skilnaden då og no er at soving i hengekøye no ikkje skjer fordi ein må, men på fritida, fordi ein har lyst. Eg kjenner både ungdomsgjengar, kunstnarar og fritidstypar som reiser ut i skogen med køya for å kjenne på fred, eller fest. Opplegget er profesjonelt: Inne i køya har dei eit liggeunderlag slik at kroppen ikkje endar opp i bananform i løpet av natta, og viss det regnar, er det berre å rulle ut taket til dei blir ei slags sommarfuglpuppe.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
