Reportasje
Islands vegar er uransakelege
Islendingane borar stadig djupare for å hente energi frå helvete.
Krafla kraftverk, Kröflustö¿ på islandsk, er eitt av seks geotermiske kraftverk. Bygginga starta i 1975, og her hentar dei varmt grunnvatn frå til saman 30 (!) borehol som driv to dampturbinar. Anlegget har ein total kapasitet på 60 megawatt (MW). Nei, det er vel ikkje så mykje?
Alle foto: Hallgeir Opedal
Nettene er lyse her nord. Polarsirkelen sneiar så vidt borti Island, og Myvatn ligg på om lag same breiddegrad som Brønnøysund.
Rommet i fyrste etasje på Eldá Guesthouse har store vindauge, heile austveggen er glas frå golv til tak, og gardinene er ikkje lystette. Eg vaknar klokka tre, det er fullt dagslys, men eg kan jo ikkje stå opp. Så dei neste timane fell eg inn og ut av svevnen og høyrer vinden ruske i bjørkekratt og regnet piske mot glasrutene. Når eg trekkjer frå gardinene klokka sju, er det grått og vått som ein hustrig haustdag.
Myvatn er eit paradis for fugleelskarar, og sjølv om eg er over middels interessert i fuglar, er det ikkje horndykkarar og kvinender eg har tenkt å kikre etter denne føremiddagen. Eg vil i staden prøve å få besøkt ein geotermisk kraftstasjon. Styrtregnet styrker den avgjerda.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
