Å vere på Bratthø om vinteren kan vere ei prøving. Det er ofte kaldt i Østerdalen, gjerne ned mot minus 20 og 30 gradar. Under 40 har vi også sett. Då kan ein slenge ein kopp rykande varm kaffi opp i lufta og få kaffikrystallar tilbake. Ikkje er ungane i området heime frå skulen av den grunn. Foreldra deira kler dei godt og sender dei av garde. Eit hardbarka folkeslag. Ikkje har ungane kaffi på termosen heller, så dei veit ikkje kor kaldt det er.