Rapport frå Torske-Noreg
Når vi endeleg kjem oss på havet, blir Aeolus’ vreide vekt utanfor Skrova.
Endeleg er båten ferdig
Foto: Morten A. Strøksnes
Når Hugo og eg kjem til slippen på Vik, har dei godt nytt. Delen vi har venta på, er komen. Seint på ettermiddagen, når det blir flo sjø, blir båten endeleg sett ut. Motoren startar slik han skal, alt ser ut til å vere i orden. Då skal Hugo berre ta båten til heimhamna i Bogøy, mens eg køyrer bilen rundt.
Normalt ville eg brukt lengre tid enn båten, så eg reknar med at Hugo alt er i hamna når eg kjem køyrande dit. Eg ser ikkje snurten av han og freistar å ringe, utan å få svar. Det tyder på at alt er normalt. Om han hadde svart, ville det vore grunn til bekymring.
Det vanlege er at han gløymer telefonen heime, eller at han ligg mellom seta i bilen, eller så greier han ikkje å finne ut kva for lomme av dei rundt 20 han har i flytedressen, telefonen faktisk ligg i. Kvar gong det ringer, begynner han ei kaotisk ransaking av seg sjølv, og det er sjeldan telefonen dukkar opp før Hugo har sjekka 15 av lommene.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
