Tett på Kristin Lavransdotter
Sigrid Undsets mest kjende karakter har skaka og bergteke publikum i over hundre år. Men kven er ho utan mellomalderdrakta?
Sara Khorami speler Kristin Lavransdotter i framsyninga på Det Norske Teatret i haust. Publikum kan sjå henne både på avstand og i nærbilete. Mads Sjøgård Pettersen styrer kameraet.
Begge foto: Per Anders Todal
– Her er det eit handkle, men det er ikkje blod på det, trur eg?
Ei høgreist kvinne i raud bomullstrøye og mosegrøn fritidsbukse leiter etter rekvisittar. Ho har mørke auge, langt krøllete hår og liknar ikkje det minste på Kristin Lavransdotter, slik eg gjerne ser ho for meg, med mellomalderklede og langt gult hår, som det står skrive at ho har, i Sigrid Undsets romantrilogi frå 1920-åra.
Ja, om nokon seier «Kristin Lavrandsdotter» til meg, er det første som kjem for det indre auget mitt, ein ung Liv Ullmann-liknande figur i bluse, sid stakk og ullcape. Kanskje er det eit bilete eg sjølv har skapt, kanskje er det bileta frå filmklassikaren Ullmann regisserte i 1990-åra, med Elisabeth Matheson i hovudrolla, som har festa seg. Den kvinna eg ser på scena, ser i alle fall annleis ut. Ho ser ut til å leve i vår eiga samtid. Ho kunne vere ein nabo, ein kollega, ei venninne.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
