Turku i toppfart
I staden for eit kongehus blei Finland velsigna med Carl Gustaf Mannerheim og universets vakraste kvinne.
Året 1952 var eit vendepunkt i Finlands historie. Krigserstatninga til Sovjetunionen var nedbetalt, dei olympiske sommarleikane blei arrangerte i Helsinki, og den 17 år gamle Armi Kuusela frå Norra Österbotten blei verdas første miss Universe.
God morgon, Finland! Det er knapt femten minutt sidan eg brutalt blei vekt av ein ilsken reinhaldar om bord i finlandsbåten «Galaxy», men no står eg her på finsk jord – på finsk asfalt. I lufta eit skarpt, nattkjølig drag, men i aust heng ei kvitskarp morgonsol på djupblå himmel. For ein fredag dette kan bli!
Eg har reisesekken på ryggen, set solbrillene på nasen og losar den elektriske sparkesykkelen Arja mellom hundretals båtpassasjerar som ventar på buss, taxi og annan transport. Vel gjennom set eg høgre fot på brettet, trykker inn gassen med tommelen og rekk ikkje eingong å sparke frå før Arja med eit rykk spinn av garde – ut frå hamneområdet og inn mot sentrum av Åbo, eller Turku, som finnane seier.
Arja er topplada og vel kvikk, synest eg, ho er vinglete og ekstremt kjensleg på gassen. Eg held hendene stramt på styret. Hjula klaprar over dekksteinen i fortauet, og heile eg ristar.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
