Frå innsida
Matskatt nr. 73: Røykelaks
Røykelaks er så mangt. Noko er industrielt framstilt med røykeessens eller ei anna form for kunstig røyksmak. Andre tek røyking meir alvorleg og henger laksen over eit bål med ved og ekte røyk. Det gjev ein turrare, mindre oljete og smakfull røykelaks. Rundt om i landet vårt er det mange gode produsentar. Ulike regionar har sine favorittar. Difor er det viktig at ein ikkje berre ser på prisen når ein skal handla røykelaks i butikken. Skilnaden på kvalitet er ofte mykje større enn skilnaden på pris.
Når ein fyrst har fått tak i ein god røykelaks, er det svært mykje godt ein kan laga av han. Framifrå sumarmat er det absolutt. Røykelaksen passar ypparleg til salatar, på brødskiva, i ein krema pastarett, på litt flatbrød eller ei god potetlefse.
Innsida fekk nyleg ein artig variant på slow food-markeringa Terra Madre i Ulvik. Sigrid Henjum frå Sogndal serverte røykelaks frå Linga Laks i ein rull med kremost frå bonde Ingvild Sygnestveit, urter frå Undeland Gard og grilla brød frå det lokale bakeriet Kådn & Alde. Ein heilt lokal hardangervariant. Lokal graslauk vart nytta til å binda saman røykelaksrullen.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
