Når pandemien kjem
Vaksinemotstand er ein av dei ti største trugslane mot global helse, ifølgje World Health Organization.
Eit lite stikk, og du har daudt virus flytande rundt i systemet.
Foto: Heiko Junge / NTB scanpix
Eg sit på hybelen hjå ei veninne i 2014, gjer meg ynkeleg og klagar mi naud over armane mine, som er vonde og hovne som to bleike middagspølser.
– Det var influensavaksinen du tok, eller?
Ho ler og trykkjer forsiktig på skuldra mi.
– N-nei. Eg er ikkje i risikogruppa, gryntar eg.
Nokre dagar tidlegare har eg fått fire plasterlappar på kvar skulder, og like mange nye og gamle, daude virus flytande i kroppen. Reportasjetur til India står på høgskulepensumet neste semester, og eg har late helsesystervikaren nytte meg som nålepute. Til og med rabies er eg vaksinert mot no. Men influensavaksinen har eg enno ikkje teke.
– Du kan kjenne deg ørlite støl i morgon, seier kvinna før ho kastar ampullen med poliobooster som ho nett har tømt inn i skuldra mi.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
