Trump i krigen
Strategien til Donald Trump er å løfte fram nasjonalheltar. Dei som finn på å rive ned statuar, skal straffast beinveges med ti års fengsel.
President Donald Trump heldt tale på konferansen om amerikansk historie som Det kvite huset arrangerte i Nasjonalarkivet i Washington i september i år. Han vil ikkje at nasjonalheltar skal rivast ned frå soklane.
Foto: Kvein Lamarque / Reuters / NTB scanpix
For eitt år sidan tok eg inn på eit oversized konferansehotell i St. Louis i den amerikanske delstaten Missouri. Aust for hotellet rann Mississippi, og der trona The Arch, ein gigantisk boge som symboliserer at St. Louis var «porten mot vest».
Det var frå St. Louis at president Jefferson sende Meriwether Lewis og William Clark for å utforske det ville vesten. St. Louis var siste utpost for sivilisasjonen. Herifrå drog tallause pelsjegerar, nybyggjarvogner, slavar, dampbåtar, lukkejegerar og ekspedisjonar. Herifrå ble indianaranes land underkasta den amerikanske draumen.
Frå vindauget på hotellrommet kikka eg ikkje berre ned på hjuldamparane som frakta turistar nedover elva, men òg på den gamle rettsbygningen der ei berømt sak vart avgjord, Scott mot Sandford i 1857. Slaven Dred Scott saksøkte eigaren sin for å verte fri, og rettens nei innebar at slaveriet heldt fram og at svarte ikkje fekk borgarrettar i Amerika. I staden for å gje Scott og familien hans fridom helte saka bensin på den brennande konflikten som braut ut i borgarkrig i 1861.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
