Ingeborg Refling Hagen (1895–1989) frå Tangen nær Mjøsa etablerte hedmarksdialekten som skriftspråk lenge før Prøysen. Ho var fjerde barn i ein familie på seks der dei tre eldste drog til Amerika – sjølv var ho to år i London som barnepike. Barndomsheimen «Fredheim» er vorten ein kulturinstitusjon på Tangen, open for alle som vil spela teater, lesa dikt, ta del i Ingeborg Refling Hagens mangslungne forfattarskap: rundt 70 utgjevingar med noveller, romanar, livsminne, lokalhistorie, barnebøker, dramatikk – og 18 diktsamlingar frå 1932 til 1984.