Abort: Lover er normdannande
Stortingssalen i samband med behandling av ny abortlov.
Foto: Thomas Fure / NTB
I veljarundersøkinga til Statistisk sentralbyrå frå 2021 svara 54 prosent av kvinnene at dei ville halda på dagens sjølvbestemte abortgrense på 12 veker. Som barne- og familieminister Kjersti Toppe sa det i stortingsdebatten, har det ikkje vore noko unisont krav i befolkninga om å endra denne grensa.
Dei aller fleste søknadene om abort etter veke 12 vert i dag innvilga av nemndene. Men det er ikkje eit argument i seg sjølv for å utvida grensa til 18 veker. Som Anna Molberg frå Høgre sa i debatten i Stortinget, kan ein ikkje basera så viktige etiske spørsmål på tal. Fosteret treng eit prinsipielt vern, og det må verta sterkare jo lenger ut i graviditeten ein kjem.
Lover er normdannande og bidreg til å forma og endra haldningar. Ei utviding med fri abort til veke 18 vil for nye generasjonar kunna påverka åtferda slik at fleire abortar kan verta tekne etter veke 12, og vegen til ei ytterlegare utviding kan verta kortare.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
