Toll og torevêr

Det er urovekkjande, men samstundes interessant, korleis Det republikanske partiet nærast samstemt stiller opp for president Trump. Under «frigjeringsdagen» hans onsdag sat regjeringa hans lydhøyre og klappa der han stod med plansjen og peikte på dei tilfeldige tollsatsane dei ulike landa rundt om i verda skulle få.

Det kan ikkje ha vore éin republikansk kongressrepresentant som gjekk til val på tollregimet Trump no har innført. Likevel kjem det knapt protestar frå nokon av dei.

Verst er det når Trump stadig repeterer at Canada må verta ein ny stat i USA. Ein normal reaksjon frå ein kongressmedlem, same kva parti ein høyrer til, ville vore tydelege og kraftfulle tilbakemeldingar om at slike påfunn er uakseptable. Men nei.

Det syner oss kva makt og posisjonar kan gjera med oss menneske. Då lèt ein fort prinsippa fara og stiller blindt opp for leiaren. Ein finn mange argument for å rettferdiggjera seg sjølv: «Eg kan bidra til å minska skadane, og det vil alltid vera nokon som tek vervet mitt om eg trekkjer meg.»

«Days of thunder», torevêrsdagar, kalla Steve Bannon den fyrste tida som skulle koma etter Trumps tilbakevending til Det kvite huset. Akkurat det vi har opplevd. Det gjeld å pøsa på med nye framlegg, overraska og lamma potensielle motstandarar, før reaksjonen kjem.

Vi sit og vonar på at reaksjonen snart kjem. Det er ikkje så mange republikanske representantar som trengst for at fleirtalet skal vippa over på demokratisk side. Men det lèt venta på seg.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare