Musikk
Altmoglegmannen
Van Dyke Parks er komponist, arrangør, pianist, trekkspelar, skodespelar, tekstforfattar og eksentrikar.
Van Dyke Parks under eit intervju med den amerikanske radiokanalen Dublab i 2014.
Einerett: Dublab
Korleis slå saman symfonisk pop med bluegrass, kabaretmusikk og musikalar med folkrock, karibisk psykedelia med gamle standardlåtar og filmatisk orkestermusikk til ein naturleg heilskap?
Van Dyke Parks veit svaret. Han er eit inspirerande døme på ein artist som verkeleg har tråkka sine eigne far i det vestlege musikalske terrenget, frå å vera barneskodespelar til å vera arrangør på Disney-låten frå Jungelboka, «Bare Necessities», og tekstforfattar for The Beach Boys og Brian Wilsons i mange år løynde skatt, Smile, til å vera skodespelar i mellom anna Twin Peaks og ettertrakta strykearrangør for moderne popproduksjon.
Han hadde i mange år eige kontor hjå Warner Brothers, både som låtskrivar, arrangør, talentspeidar, promotør, rådgjevar og produsent for ein rekkje artistar. For ikkje å snakka om hans eigen solokarriere og kunstnarlege verksemd, som det kjennest nesten umogleg å skrive noko kort og konsist om utan å verta totalt overflatisk.
Eksentrisk pianist
Eg hadde mi fyrste lytteoppleving med den eigenarta musikaren tidleg i tenåra, gjennom den framifrå konsertfilmen Ry Cooder & The Moula Banda Rhythm Aces: Let’s Have A Ball frå 1987. Cooder omtala Parks som ein eksentrisk pianist «with the warped sort of Percy Grainger thing that he does», med referanse til den annleistenkjande, om mogleg endå meir eksentriske australske komponisten og Grieg-venen Grainger.
Solodebut i 1968
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
