Kunst
Arkitekten
Bygget som husar PoMo, var i si tid bygd som postkontor.
Neiden kapell er ei korskyrkje i tre frå 1902. Neiden ligg i Sør-Varanger i Finnmark.
Click to add byline
Bygget som husar PoMo, var i si tid bygd
som postkontor. Dette er eit særs staseleg eksempel på jugendstil med
overraskande, nærast muntre dekorasjonar kring dørene og under gesimsen, medan
lyktene var utforma i drakestil.
Også innvendig var det dekor, mellom anna er
posthornet fletta inn i buktande akantusranker. Bygget har både spir og tårn, i
det heile ei prakt som vi dessverre ikkje tek oss råd til i dag. Fasaden er
kledd med grøn puss og grovt tilhogde blokker i granitt, sjølve grunnfjellet
skulle byggast inn i det nye postkontoret. I 1911, like etter vi hadde lausrive
oss frå svenskane, vart det bygd fleire signalbygg som dette.
Arkitekten bak bygget var Karl Martin Norum
(1852–1911) frå Levanger. Han levde i det som vert rekna som gullalderen i
norsk arkitektur. Trass i at han var så godt som sjølvlært, vart han ein av dei
fremste representantane for si tid.
Norum teikna fleire praktbygg i Trondheim,
mellom anna Frimurerlogen, Mathesongården og Britannia Hotel. Desse er laga i
den andre stilen som var sentral i denne tida, historismen.
Norum var også viktig i arbeidet med å
bygge opp att Ålesund i jugendstil etter brannen i 1904. Han var i det heile ein
særs allsidig arkitekt. Heile livet arbeidde han for å utvikle ein norsk
byggestil, noko som kjem til uttrykk i form av lafta villahus med drakehovud i
gavlane.
Han teikna også kyrkjer for prefabrikasjon som var inspirerte av
stavkyrkjer. Mellom 1895 og 1907 vart eit tital kyrkjer reist, frå Neiden i
nord til Møre i sør, med Neiden kyrkje som den vakraste.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
