Musikk
Arkivet: Frå California til Sangerheimen
Klassisk Persuasions. Albumet «Street Corner Symphony» frå 1972.
Dei jazzinfluerte, seine 70-talsinnspelingane til Joni Mitchell blei ikkje heilt verdsette i samtida. 2000-talet har derimot omfamna denne fasen.
Det går tydeleg fram av cover-storyen i julinummeret til Uncut, som særleg tar for seg Hejira av dei fire LP-ane som nettopp er nyutgitt i Rhino-boksen The Asylum Albums 1976–1980 (meld her i avisa fredag 21. juni).
Supermusikarar som Jaco Pastorius og Michael Brecker spelte både i studio og i turnébandet på den doble live-LP-en Shadows And Light, innspelt i Santa Barbara i 1979.
Tittelsporet på live-LP-en syng ho saman med den svarte a cappella-gruppa Persuasions, som kastar glans over coverversjonen hennar av Frankie Lymon & the Teenagers’ klassiske doowop-hit frå 1956, «Why Do Fools Fall In Love». Songen kom på Top 10 i USA og vart nummer éin i England.
Fjorten år gamle Frankie Lymon fronta ei gruppe av afroamerikanske puertoricanske tenåringar frå Bronx i New York. Jamaldringane The Persuasions frå Brooklyn måtte vente til doowop-kjennaren Frank Zappa høyrde dei, før dei kom i studio.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
