Musikk
Arkivet: Joey Ramone
Eit vegkryss på Manhattan.
Foto: Øyvind Vågnes
Det var på veg oppover den langstrakte gata Bowery, søraust på Manhattan, ein dag i sommar, at eg passerte skiltet som fortalde meg at eg no gjekk forbi Joey Ramone Place. Sjølv om destinasjonen var bokhandelen Strand, og eg ville ha så mykje tid der som råd, stoppa eg opp og såg rundt meg, mint som eg vart på at dette var Ramones-land.
Joey Ramone (1951–2001) var frontmann og vokalist i The Ramones, og å merke akkurat dette vegkrysset med eit skilt passar eigentleg godt, for turen er ikkje lang til lokala der CBGB, klubben der rockebandet herja i tidlege år, i si tid heldt til. Joey Ramone budde også i nabolaget ei stund, og omslagsfotografiet på debutalbumet Ramones (1976) vart teke i kvartalet.
Min første impuls er å tenkje at eit slikt skilt er litt snålt – å kalle opp eit område i New York etter ein musikar som så til dei grader var anti-establishment? Men så fann eg ut at det var ein 16 år gammal fan som tok initiativet, for snart tjue år sidan, og samla underskrifter i området rundt, på skikkeleg grasrotvis.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
