Musikk
Arkivet: Nattoget til Nashville
Otis Redding var ein av tallause artistar som slo igjennom takk vere WLAC.
Livesendingane med countrymusikk frå Grand Ole Opry i Nashville starta på 1920-talet, og fans av programmet tok til å kalla byen for Music City, USA. Men det var ikkje berre kvit countrymusikk i Music City.
Edward Gab Blackman, ein av sjefane i radio WLAC, såg det ingen andre såg: den store uutnytta marknaden i rhythm & blues-musikken som fylte klubbane i det afroamerikanske Nashville etter andre verdskrig. Med krafta frå 50.000 watt kunne han kringkasta over halve Nord-Amerika, heilt nye plater med artistar som gjesta klubbane langs Charlotte Street.
Den mest namngjetne var New Era Club, som blei opna av William Sousa «Sou» Bridgeforth i 1936. Besteforeldra hans var slavar. Dei som høyrde praten til dei kvite deejayane, var overtydde om at dei var svarte.
Musikken i klubben til Sou følgde utviklinga frå rhythm & blues til soul, og husbandet hans blei brukt då WLAC starta dei epokegjerande TV-programma Night Train. På den tida var Jimi Hendrix gitarist i bandet. Du kan sjå og høyra han i full utfalding på YouTube i eit opptak av Buddy & Stacey som syng Motown-klassikaren «Shotgun».
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
