Musikk
Arkivet: Regnfrakken i elva
Sidan Nick Lowe nyleg har sleppt det særs vellukka albumet Indoor Safari, tillèt eg meg å skrive om han for andre gong på to månader. Med ekspedisjonsfølgje i det amerikanske surfbandet Los Straitjackets drar den soniske safarien gjennom ti eigne songar pluss to gløymde juvelar frå tidleg soulmusikk. Stoff for Arkivet.
«A Quiet Place» er ein oppfølgjar til Garnett Mimms & the Enchanters’ soulhistoriske hit «Cry Baby», som mange kjenner som coverlåt på Pearl-LP-en til Janis Joplin frå 1971. Songen har eit samfunnskritisk blikk på trongbudd ghettotilvære og blei skriven av Jerry Ragovoy alias Norman Meade og utgitt i 1964. Lowe tilfører songen kledeleg melankoli.
«Raincoat in the River» er skriven av Aaron Schroeder, som har 1500 songar på samvitet, derav fem nr. 1-songar for Elvis Presley inkludert «It’s Now Or Never (O Sole Mio)»! Men regnfrakken i elva blei ingen seljar i 1961, trass i at fløyelssongaren Sammy Turner var popstjerne med R&B-versjonar av gamle travarar som «Lavender Blue» og «Always», og trass i at det er lett å høyre at produsenten var sjølvaste Phil Spector.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
