Musikk
Arkivet: Rytmisk julemusikk
Nick i bakre rekke med hornbriller blant alle godbitane. Plata har namnet til ein kjend engelsk julekonfekt.
Desember er høgsesong for musikkartistane, og tradisjonelle julesongar med den eigentlege bodskapen vekslar med like tradisjonelle verdslege noveltylåtar om julenissar, snømannen Kalle og Rudolf med den raude nasen. Greier du å lansere ein ny hit i denne subsjangeren, er du garantert speling og sal i mange år framover.
Nick Lowe, ein husgud i denne spalta, gjorde eit heiderleg forsøk med songane på julealbumet Quality Street, som han gav ut tidleg på 2010-talet. Det er laga mange popsongar om å kome seg heim til kjærasten med fly, men i «Christmas at the Airport» blir det ikkje kalkunmiddag. Den metalliske høgtalarstemma melder om snø og tåke. Likevel greier Lowe å skape lun julestemning gjennom fråværet. Han gjer det beste ut av det med ein burger frå søppelbøtta.
Stor er også versjonen hans av «Silent Night», som er inspirert av innspelinga til New Orleans-pianisten Huey «Piano» Smith på julealbumet hans ‘Twas the Night Before Christmas frå 1962. Det albumet kom ikkje berre natta før julekvelden, det var langt føre si tid. Ein diskjockey i North Carolina knuste plata på direkten. Det var blasfemi den gongen å spele «Silent Night» slik.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
