Bok
Svekt av internasjonalisering
Nytt Norsk Tidsskrift er 40 år. 40 år er lang tid. Attersynet med første årgang er eit møte med ei svunnen tid som byr på tung nostalgi.
Nytt Norsk Tidsskrift er 40 år i år. Til venstre utgåve nummer fire frå 1989.
I 1984 var det ikkje så lenge sidan 1948, då George Orwell gav ut framtidsdystopien 1984, eit årstal spikra i medvitet til alle som gjorde krav på å vera intellektuelle i dei dagar. Og lanseringa av tidsskriftet er lettast å forstå med 1984 in mente.
Det programmatiske utgangspunktet for Nytt Norsk Tidsskrift (NNT), slik redaksjonskollegiet Francis Sejersted, Hans Skjervheim, Rune Slagstad og Øyvind Østerud legg det fram våren 1984, er at «Den argumenterende og innsiktsgivende samfunnsdebatt står i norsk sammenheng i fare for å bli klemt inne mellom medie-slagsmålene og den indignerte moralisering» som gjev «liten innsikt i at konsekvenser ofte er stikk i strid med de beste hensikter. Trosmoralismen er kanskje den alvorligste trussel mot et opplyst og sivilisert debattklima i Norge».
Det NNT lukkast med, var å få dei etablerte forskarane til å skriva om saker som var av interesse for dei utanfor akademia, på ein måte dei forstod. Formatet var ei blanding av artiklar, bokmeldingar og debattinnlegg. Jon Elster, Gudmund Hernes, Marianne Gullestad, Johan P. Olsen, Nina Karin Monsen, Jens Arup Seip, Helga Hernes og Hans Skjervheim skreiv artiklar utan fotnotar – som difor ikkje kan brukast som litteratur i innleveringsoppgåver. Det var også plass til stuttare arbeid i kronikkform og debattinnlegg.
Offentleg ordskifte
Dei første 25 åra til tidsskriftet var vellukka. Redaktørkollegiet fekk «store» namn til å skriva for seg i den mon at påtroppande redaktør Cathrine Holst i programfråsegna si orsakar at ho har teke på seg rolla: «Jeg synes det er en helt anstendig sak å redigere et organ for ’eliten’. Tidsskrifter som NNT er ikke en trussel mot demokratiet, men […] – om de fungerer som de skal – en del av det».
For, som ho seier, det finst ordskifte som ikkje kan følgjast utan førkunnskapar. Hennar mål er at NNT skal vera ein offentlegdom for ein slik diskusjon.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
