Kunst
Drift
Erlend Leirdal: «Drift», installasjon 2009.
Foto: Sentrum vidaregåande skule
Den svære installasjonen «Drift» frå 2009 tek opp store delar av myldrearealet til Sentrum vidaregåande skule i Kongsvinger. Verket er laga for hand av svære og grove eikebjelkar. Faktisk er stokkane henta frå den danske byen Ribe. Her var bjelkane del av ein stor sluseport som vart bygd på tidleg 1900-tal.
Konstruksjonen danna bolverk mot kreftene frå Nordsjøen i nærare hundre år. Hundre år seinare forvitra jernbeslaga. Då dei drog bjelkane opp, var dei knapt merkte av slitasje. Den norske kunstnaren Erlend Leirdal vart fascinert over den gode kvaliteten, og bestemte seg for å bruke bjelkane i dette utsmykkingsprosjektet i Kongsvinger.
Her hogde kunstnaren stokkane til og monterte dei saman til ei diger, røff og botnsolid form, eit kunstverk som elevane kan sitje på. Elevane kan boltre seg fritt utan å vere redde for å øydelegge noko. Leirdal har sjølv forklart at han komponerte installasjonen slik at det skulle sjå ut som om tømmerstokkane var lagde her av elva. For Glomma renn like nedanfor skulen, rik på tradisjonar for tømmerfløyting.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
