Ein ekte russisk patriot
Patriot er viktig som personleg vitnesbyrd, men boka er enda viktigare som ei skildring av moderne russisk historie.
Aleksej Navalnyj under ein demonastrasjon mot president Vladimir Putin i Moskva i 2018.
Foto: TT Nyhetsbyrån / NTB
Ikkje sidan overprest Petrovitsj Avvakum skreiv Liv på 1600-talet, er det kome ut ein viktigare sjølvbiografi på russisk. Avvakum talte tsar- og kyrkjemakta midt imot og vart brend på bålet i 1682. Nesten 350 år seinare leid Aleksej Navalnyj, den fremste russiske opposisjonspolitikaren i vår tid, ein liknande skjebne. Først vart Navalnyj forgifta, så vende han attende til Russland, der han vart arrestert. Til slutt hamna han i ein fangeleir i Nord-Russland, der han døydde i februar i år.
Korrupsjonsjeger
Navalnyjs sjølvbiografi er viktig fordi han gjev eit rikt portrett av den mest sentrale russiske politikaren i vår tid. Vi følgjer han frå barndom i sein sovjettid via ungdomstid under Jeltsin til han som vaksen blir korrupsjonsjeger og Putin-regimets argaste kritikar. Alt som ung mann ønskjer han å gjere Russland betre. Han blir skuffa over Jeltsin og blir med i det liberale opposisjonspartiet Jabloko.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
