Musikk
Elegant orkester
Puccinis messe er operamusikk i kyrkjebunad.
Domkyrkja i Lucca, der Puccini-familien gjennom generasjonar var organistar.
Foto: Sjur Haga Bringeland
Giacomo Puccini (1858–1924) er i dag kjend for eviggrøne operaer som La Bohème og Tosca. Men eigentleg var han etla til organist- og kyrkjemusikaryrket. Han kom frå eit to hundreår gamalt musikardynasti i Lucca, der forfedrane hans hadde vore organistar og musikkdirektørar ved domkyrkja San Martino. Også Puccini blei som 15-åring organist i heimbyen, men tre år seinare førte ei skilsetjande oppleving han på andre tankar. I nabobyen Pisa høyrde han Giuseppe Verdis (1813–1901) opera Aida, og «då eg høyrde operaen, kjende eg at eit musikalsk vindauge opna seg for meg», skreiv han seinare.
Likevel fullførte Puccini utdanninga si ved Lucca-konservatoriet. Som skikken er i Italia, feira byen store og påkosta helgenfestar fleire gonger i året. I samband med ein slik fest i 1878 var det at ei «Credo»-tonesetjing blei urframført, og to år seinare integrerte han denne i ein fullstendig messekomposisjon i høve slutteksamenen hans ved konservatoriet.
Berre menn
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
