Musikk
Fargerikt om tolsemd
Me får garantert høyra meir til komponisten Eilertsen.
Orkesteret for jazzkomponistar i Oslo (OJKOS) er inne i eit generasjonsskifte. I løpet av 2024 vil orkesteret ha ny besetning. Om tålmodighet er slik sett Eilertsens siste natt med gjengen. Dei ti låtane blei spelte inn i desember 2021 og er alle førte i pennen av Henriette Eilertsen. «Velkomen i verda» er skriven saman med Andreas Rotevatn.
I presseskrivet vert det sagt at musikken reflekterer over tolsemd i musikken og livet generelt. Det er vanskeleg å argumentera for at innhaldet på plata set tolsemda til lyttaren på prøve. Det skjer noko interessant i musikken heile tida, sjølv om det av og til skjer på minimalistisk vis. Likevel gjev tittelen meining. Det meditative er ein sentral komponent i uttrykket.
Nokre låtar er stramt komponerte og arrangerte, til dømes «Proletaren og kammerater» som har kimen i seg til å bli eit større verk, medan andre låtar er meir diffuse bakteppe til solistiske ytringar. Å skapa ein velfungerande «musikalsk scenografi» til ein solo er krevjande. Den kunsten kan Eilertsen. Tancred Heyerdahl Husøs kor på «Springer i Coimbra» og Eilertsens solo i «Dorging ved midnatt» er gode døme, men høgdepunktet er Andreas Rotevatns historieforteljing i «Mesta lagi». Her byggjer Eilertsen opp forventning gjennom ein lang intro.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
