Film på eit eige nivå

I ein nedsarva by nordvest i Kina har laushundane nærast teke over, og i samband med OL i Beijing vert sivile sette inn for å fanga hundane. Tidlegare rockestjerne og motorsyklist Lang (Peng) kjem att frå fleire år i fengsel for mordet på nevøen til slaktar Hu (Hu) og vert tilbydd jobb som hundefangar.

Den tause Peng får det heller for seg å oppsøka og temja den mest ettersøkte hunden av dei alle, den svarte mynden som visstnok har rabies.

Drivande

Gobiørkenen et seg innover byen, grensene er viska ut etter år med forsømming og forvitring. Vinden blæs gjennom gater der husa er merkte «riveklare», men der folk framleis bur og opprettheld ein slags siste rest av vitalitet. Høgtalarar ljomar over heile byen med meldingar om å vera gode borgarar og at OL er rett om hjørnet. Det heile framstår som ein slags feberdraum, roleg og forstyrra på same tid, eit sedat filter over folk som eksisterer meir enn lever.

Black Dog har eit tempo som gjev god plass til tankar om kva som er rein symbolikk, og kva som er historieforteljing. Og mens ein tenker, kan auga kvila på det underlege steppelandskapet, hundane som driv rundt med øyre på stilk og årvakne auge. Og på Lang, denne mystiske, smålåtne bautaen – jordnær og lite ekstraordinær, trass i respekten han har frå dei rundt seg.

Rosa fløy

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare