Folkemusikk
Folkemusikk i ny drakt
Bergensgitaristen har kome med ei spanande utgjeving.
Stein Urheim er gitarist og komponist.
Foto: Jonas Boström
Gitaristen og komponisten Stein Urheim har vore ei viktig stemme i det spanande musikkmiljøet i Bergen i meir enn ti år. Han har gjeve ut ei rekke eigne plater pluss at han har vore med på plater med musikarar som Erlend Apneseth, Benedicte Maurseth, Jørgen Træen – og no seinast ei utmerkt plate med den mangeårige samarbeidspartnaren Mari Kvien Brunvoll og trioen Moskus. På det nyaste prosjektet har han invitert ei gruppe særeigne musikarar som har bidrege til dei mest originale albuma hans til no.
Debuten for prosjektet var på Sildajazz i Haugesund i 2022, og som på konserten i Haugesund møter vi ei vidareføring av konserten med stort sett dei same musikarane.
Eventyrleg reise
Ti av dei elleve komposisjonane er komponerte av Urheim. Musikken er i stor grad i det litt svevande og eksperimentelle folkemusikklandskapet, med gitaren i fokus og med inspirasjonar frå både Ry Cooder, Kim Myhr og fleire av dei nyare og eksperimentelle musikarane i den norske og internasjonale folkemusikken.
Og med komposisjonen og solobidraget «Det knaser i planeten» av Hans Kjorstad tek dei lydaren med på ei eventyrleg reise inn i framtida til den norske folkemusikken.
Gjennomarbeidd
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
