Forsvinninga er eit vanleg motiv i Terje Holtet Larsens bøker, enten det gjeld hovudpersonen eller andre. Det som kan verke forlokkande på personane (eller på forfattaren), er å sleppe unna, gå opp i røyk, det er sjølve forsvinningsnummeret, eller undringa på om noko slikt lar seg gjennomføre. Sjølvutslettinga kan vere både ei drivkraft og eit eksperiment hos Larsen.