Musikk
Trygg tradisjonsforvalting
Tufskrøkjun har oppnådd gode plasseringar på kappleikar og har vist at dei er svært så rutinerte.
Felespelarane Ann Kristin Odnes, Astrid Sulheim, Kari Grøsland og Synne Grothe utgjer Tufskrøkjun.
Foto: Ta:lik
Ei «tufskrøkje» er ei som ikkje får til noko særleg. Bak dette sjølvironiske namnet står felespelarane Kari Grøsland, Ann Kristin Odnes, Synne Grothe og Astrid Sulheim. Alle er fødde på midten av 70-talet og har vore aktive i folkemusikkmiljøet i Gudbrandsdalen sidan dei var ungdomar. Dessutan har dei oppnådd gode plasseringar på kappleikar, og dei har dermed vist at dei slett ikkje er «tufskrøkjer», men svært så rutinerte.
På den første plata si held dei fram i det trygge sporet som er etablert gjennom institusjonar som spelemannslag og kappleikar: Nordavind er dominert av springleikar, framførte unisont, eller kledde i enkle, fleirstemte arrangement, og dessutan serverer dei nokre valsar og reinlendarar i samspel med gitarist Geir Byre og kontrabassist Bjarne Odde.
Som heilskap er produksjonen prega av det trygge og velkjende. Spelet er stødig, samspelsformene er veletablerte, og det er ingenting som skil seg frå framføringsmåtar som er solid etablerte innan folkemusikkmiljøa.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
