Ut og inn på tur

Blomane tittar fram, og Flora, som blei spelt inn i 1989 og først kom ut på CD i 2006, er ute i remastra utgåve. Den japanske kunstnaren og musikaren Hiroshi Yoshimura (1940–2003) var inspirert av måten fluxusrørsla handsama den konstante endringa som kjenneteiknar eksistensen på, og Erik Saties impresjonistiske pianosonatar. På Flora sit gamaldags syntetisk pianolyd i førarsetet.

Musikken kan kategori­serast som kankyo ongaku, ofte omsett til environment music. Medan slik musikk hentar inspirasjon frå naturen, har omgrepet med miljø i vidare forstand å gjere: habitat, interiør, eksteriør; dette er musikk der teknologi og natur flyt saman og inn i omgjevnad og omstende.

På «Adelaide» surklar det i den elektriske bekken og syntetiske stryk, og lyttaren blir ein våryr laksefisk. På «Trick Tree» manar harper, fløyter og lette boblesprett fram kjensla av roleg samvær i vårsola ein tidleg sundagsettermiddag i rollespellandsbyen. «Silence» læt som ein påskepasjon dynka i vemod. Kvelden sig på, det er på tide å ta det piano og stå opp att og ta fatt på våronna med ny giv og inspirasjon i morgon.

Er du abonnent? Logg på for å lese vidare

Digital tilgang – heilt utan binding

Prøv ein månad for kr 49.
Deretter kr 199 per månad. Stopp når du vil.

E-postadressa di

Eg godtek vilkåra

Eller kjøp eit anna abonnement

Er du abonnent? Logg på for å lese vidare