Velbalansert visekunst
Albumet har ein utsøkt balanse mellom tekst og musikk.
Jørn Simen Øverli, Siril Malmedal Hauge og Espen Leite spelar og syng saman.
Foto: Kirkelig Kulturverksted
Mange av våre fremste visesongarar framfører stort sett viser dei har laga sjølve. Slik er det ikkje med Jan Simen Øverli (f. 1950). Han har brukt det meste av tida si på å formidla andre sin songpoesi, ofte for første gong på norsk. I tillegg til å omsetja og framføra viser har Øverli dessutan vore eit hardtarbeidande organisasjonsmenneske, noko som mellom anna resulterte i at Josefine visescene vart etablert i Oslo i 1995.
Dette er den trettande plata til Øverli, også denne utgjeven i samarbeid med produsent Erik Hillestad på Kirkelig kulturverksted. Og det er atter ein gong tekstar frå «europeisk sangpoetisk kanon» som vert presenterte: av Bertolt Brecht frå Tyskland, Vladimir S. Vysotskij frå Russland og Jacques Brel frå Belgia – alt omsett av Øverlid.
Balanse
Det som karakteriserer framføringane på denne plata, er ein utsøkt balanse mellom tekstlege og musikalske element. Det er mykje luft mellom tekstfrasane, instrumenteringa er sparsam og songstilen balanserer perfekt mellom det uttrykksfulle og det edruelege.
Dei to solistane vekslar gjerne mellom å syngja annakvar linje i teksten, av og til syng dei unisont eller i parallelle tersar. Nokre stader vert den vokale klangpaletten utvida ved hjelp av gjestevokalistane Ruth Wilhelmine Meyer og Tora Augestad.
Heilskap
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
