Virtuos blanding
Jakop Janssønn får ein uvanleg instrumentkombinasjon og ulike sjangrar til å stå fram som ein heilskap.
Bricoleur er Daniel Herskedal (t.v.), Jakob Janssønn og Håkon Aase.
Pressefoto
Jakop Janssønn (f. 1986) frå Tromsø er utdanna jazztrommeslagar frå Noregs musikkhøgskule i Oslo. Men som så mange av dagens yngre jazzmusikarar lagar han ein musikk som ikkje utan vidare lèt seg kategorisera i jazzens tradisjonelle stilartar. Janssønn legg heller ikkje skjul på dette, då tittelen Bricoleur tyder ein som skaper noko (til dømes musikk) av det materialet som (meir eller mindre tilfeldig) måtte vera tilgjengeleg.
Stilistisk er dette merkbart gjennom element som kan minna om folkemusikk frå mange stader i verda (inkludert ymis nordisk tradisjonsmusikk), moderne jazz og rock. På nokre stykke medverkar dessutan strykarar frå Arctic Philharmonic, som vitnar om inspirasjon frå klassisk musikk.
Den uvanlege instrumentkombinasjonen slagverk, fiolin og tuba er såleis eit sjølvsagt val når det estetiske idealet er å laga noko storslege og vakkert av uventa og kontrastfylte element.
Mange vil vera skeptiske til ei slik musikalsk tilnærming. Ofte kan resultatet liknast med det som skjer når ein svolten og hemningslaust forsyner seg av alt som er tilgjengeleg på bordet samstundes, og dermed vert overmett.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
