Jan Inge Sørbø skriv i siste Dag og Tid at «ureturnerbare asylsøkjarar er menneske som har søkt asyl og fått avslag, men som likevel ikkje kan reisa attende til opphavslandet, fordi det er for farleg». Asylsøkjarane vil sjølvsagt i utgangspunktet hevde dette, noko som kan vere vanskeleg både å bevise og motbevise. Noreg sender til dømes ikkje asylsøkjarar attende viss dei kan risikere dødsstraff i heimlandet, slik tilfellet var med Najumuddin Faraj Ahmad (Mulla Krekar). Men akkurat dette gjeld få andre.