Eg takkar Leiv Arne Grimstad for ein god kommentar i førre nummer til portrettet mitt av E* over to sider i Dag og Tid 22. oktober. E* har ei unik historie: Ho er den fyrste norske landslagsspelaren for kvinner (rett nok «berre» i sjakk) som vart fødd som gut. Eg ville skriva eit portrett av eit heilt menneske, eit portrett til refleksjon, ikkje til polemikk. Det er altfor mykje støy i debatten om kvinner som E*; eg er ikkje så interessert i den biten.