«Sjukelønsordninga er for raus same kva.»
Det er eit faktum at sjukefråværet har gått opp i land som til dømes Sverige, der sjukelønsordninga ikkje er så raus, meiner Kolbeinstveit.
Foto: Lise Åserud / NTB
64,2 milliardar er mykje pengar, og ved å nytta dei litt annleis kan vi styrka arbeid og grunnlaget for velferda.
Per Anders Todal hadde 13. september ein interessant artikkel om årsaka til det høge sjukefråværet i Noreg. Todal synte oss at det aukande sjukefråværet kan ha naturlege årsaker knytte til mellom anna etterverknadar av covid-19. Todal hevdar derfor at debatten om sjukefråvær blir ført på falske premissar. Det har han ikkje heilt rett i. Det kjem an på kva debatt om sjukefråvær vi er opptekne av.
Det viktige i debatten om sjukefråvær er at vi som fellesskap nyttar for mykje offentlege pengar på sjukeløn, og at ordninga ikkje er rettferdig. Det er den einaste velferdsordninga i Noreg som ikkje har eigendel. I dag betaler arbeidsgivaren løna dei fyrste 16 dagane, før staten tek over. Som sjuk får du full løn i eit år. Det heile er avgrensa opp til 6G (744.168 kr).
Todal kan ha rett i at folk er sjukare enn før. Sjeflege i Nav, Marit Hermansen, hevdar i eit svar til Todal (20. september) at tilpassa aktivitet er god behandling. Det har ho mykje rett i, men som Richard Aubrey White i FHI skriv i eit svar (27. september), kan aktivitet verka dårleg om diagnosen er feil.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
