Den lange vegen til integrering
Norsksomaliarane er ein av dei største minoritetane her i landet. Etter fleire tiår viser statistikkane at det er krevjande å lukkast med integreringa.
Marian A. Hussein, stortingsrepresentant og nestleiar i SV, møter norsksomaliske studentar på OsloMet.
Alle foto: Ole Jan Larsen
– Kven av dykk har gått over Besseggen? Kven av dykk har vore på Hardangervidda eller i Jotunheimen? Rekk opp handa så vi ser.
Det er Safia Haase som spør, ein laurdag tidleg i november. Somalisk studentforening og den norsksomaliske avisa NorSom News arrangerer somalisk kulturdag. Ein jamn straum av unge norsksomaliarar finn seg ein stad i det store auditoriet på OsloMet i Pilestredet. Det luktar herleg somalisk te med sukker, ingefær og kardemomme som studentane tek med seg inn i auditoriet.
Somalisk studentforening skal skape samhald og gje støtte til norsksomaliske studentar. Både i Sverige og i Noreg utgjer innvandrarar frå Somalia og etterkomarane deira i underkant av 1 prosent av befolkninga. I januar 2023 var det registrert 43.600 innvandrarar og norskfødde med somaliske foreldre her i landet.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
