Digitale draumar
Facebook har lansert draumen om å skape «metaverset», eit virtuelt univers. Men ein må vere på vakt når Silicon Valley drøymer, for det kan fort bli til personvernmareritt.
Metaverset ser betre ut innanfrå enn utanfrå. Her får Kelly Taylor oppleve virtuell shopping i metaverset.
Foto: Joe Buglewicz / AP / NTB
I fjor haust kunngjorde Facebook-sjefen Mark Zuckerberg at Facebook skifta namn til Meta Platforms (Meta). Meta er no moderselskapet, men Facebook er framleis namnet på det sosiale mediet. Med nytt namn kom ein ny visjon: å byggje «metaverset». Kva i alle dagar er det? Sjølve namnet Metaverse kjem frå science fiction-romanen Snow Crash av Neal Stephenson frå 1992. Ifylgje ein tidlegare Facebook-tilsett, Dean Eckles, skal boka på eit tidspunkt ha vore obligatorisk lesing for produktansvarlege i selskapet.
Romanen skildrar ei dystopisk anarkist-kapitalistisk framtid der metaverset er ei tredimensjonal virtuell verd der menneske kan møtast og samhandle gjennom såkalla avatarar (kunstige representasjonar av seg sjølv). Virtuell røyndomsbriller, såkalla VR-briller, gjer at dei opplever metaverset som om dei fysisk var der.
Zuckerberg ser for seg noko liknande.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
