Ei skamløyse utan like
Det finst ikkje historiske parallellar til tiltalen mot Donald Trump, meiner statsvitar Jennifer Bailey.
Domenic Santana frå Miami demonstrerer framfor E. Barrett Prettyman-rettsbygningen i Washington den 2. august, dagen før Donald Trump skal møte i retten der.
Foto: Kevin Wurm / Reuters / NTB
Tysdag vart tidlegare president i USA Donald Trump tiltalt for å ha prøvd å endre på valresultatet i 2020. Han er frå før tiltalt for å tatt dokument frå Det kvite huset med seg heim til Florida og for å ha brote valfinansieringslovene. Jennifer Leigh Bailey, professor i statsvitskap ved NTNU, har lese heile tiltalen.
– Kva er dei mest alvorlege tiltalepunkta?
– Det er vanskeleg å seie kva for eit punkt som er det alvorlegaste, for dei fire hovudpunkta flyt over i kvarandre og omfattar fleire underpunkt. Mellom anna oppfordring til å hindre innsamlinga, oppteljinga og godkjenninga av røyster, nytte falske valmenn, nytte justisdepartementet til å presse dei folkevalde i delstatane til å vere med på samansverjinga, å presse visepresident Pence til å ikkje telje valmannsrøystene, og å dra nytte av angrepet på Kongressen til å stoppe den offisielle saksgangen og oppheve valresultatet.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
