Ein grenselaus venskap?
Russland og Kina har felles interesse i å svekkje maktposisjonen til USA i verda. Men krigen i Ukraina set partnarskapen deira på ei hard prøve.
Russlands president Vladimir Putin og Kinas president Xi Jinping fotograferte på toppmøtet i Bejing den 4. februar i år, då dei erklærte grenselaus venskap.
Foto: Li Tao / AP / NTB
Det er 4. februar og enno 20 dagar til Russland skal invadere Ukraina. På mørkeraude fløyelsteppe stiller statsleiarane for to av verdas største land seg opp for å verte fotograferte og kringkasta for ei heil verd, framfor ei rad med russiske og kinesiske flagg.
President Vladimir Putin er komen som æresgjest til opninga av dei olympiske vinterleikane i Beijing, om lag 650 mil frå den ukrainske hovudstaden Kyiv. Den øvste leiaren i Kina, Xi Jinping, tek varmt imot han.
«Vi håper dette nye vårmøtet vil bringe nytt liv inn i den kinesisk-russiske relasjonen», seier Xi då delegasjonane har teke plass på kvar si side av eit stort, skinande møtebord, dekorert med blomerader i midten.
Putin er full av respekt og uttrykkjer full tillit til at Kina vil arrangere vinter-OL på ei utmerkt måte.
Alt dette er foreviga med kamera. Men kva seier Putin til Xi når fotografane er borte? Fortel han at han kjem til å invadere det sjølvstendige nabolandet Ukraina? Og kva seier i så fall Xi til det? Dette er berre to av dei spørsmåla som har vorte stilte om Kinas ståstad etter krigsutbrotet den 24. februar.
Boikotta av Biden
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
