Utanriks
Ein inspirerande arv
Jimmy Carter fekk eit etterliv som menneskerettsaktivist og siviliserande moralpolitikar som ingen annan president i USA.
Jimmy Carter døydde 29. desember i fjor, 100 år gammal.
Foto: David Goldman / Ap / NTB
Den 39. presidenten i USA, som eigenleg heitte James Earl Carter jr., døydde 29. desember heime i den enkle tomannsbustaden sin i Plains i Georgia. Han var den lengstlevande amerikanske presidenten nokosinne. Carter overlevde kona si, Rosalynn, som han var gift med i 77 år. Ho var ein aktivistisk rådgjevar for mannen sin heile livet og døydde i ein alder av 96, 23. februar 2023. Saman hadde dei fire born, Jack, Chip, Jeff og Amy, elleve barneborn og fjorten oldeborn.
Carter var opphavleg marineoffiser og peanøttbonde, og med sitt breie smil og sin southern drawl (sørstatsdialekt) vil han bli hugsa ikkje minst for det enkle livet han førte. I så måte likna han ein annan smålåten mann, Harry S. Truman, som etter å ha takka nei til renominasjon i 1953, drog heim til kona Bess i landsbyen Independence i Missouri.
Carter nekta å håva inn millionhonorar som førelesar etter presidentperioden sin («eg vil ikkje tena pengar på å ha vore i Det kvite huset», som han sa), og han vigde livet sitt til å gjera godt.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
