Ein ny runde med Trump
Trump ligg an til å verte republikanarane sin presidentkandidat. Men gjeve resultata frå dei fire siste vala, er det meir truleg at Biden vert ny president, ikkje Trump, seier Hilde Restad.
Donald Trump fekk 51 prosent av røystene i Iowa og vann nominasjonsvalet med større margin enn nokon republikanar tidlegare har gjort i delstaten.
Foto: Evelyn Hockstein / Reuters
Donald Trump vann denne veka nominasjonsvalet i Iowa og ligg godt an til å verte republikanarane sin presidentkandidat att til hausten.
Med 51 prosent av røystene vann han dessutan med større margin enn nokon republikanar tidlegare har gjort i delstaten. Utfordrar og Florida-guvernør Ron DeSantis fekk støtte frå 21,2 prosent, medan tidlegare FN-ambassadør og tidlegare South Carolina-guvernør Nikki Haley enda med 19,1 prosent av røystene.
Hilde Restad er fyrsteamanuensis ved avdeling for statsvitskap og internasjonale relasjonar ved Oslo Nye Høyskole.
– Kva har gjort Trump så populær i Iowa?
– Trump er populær overalt, ikkje berre i Iowa. Men resultatet i Iowa er fyrst og fremst ei følgje av det vi har sett sidan 2016: at Trump heile tida konsoliderer makta i partiet. Det betyr ikkje at han er meir populær i USA generelt sett, berre at fløya hans har hatt suksess med å ta over Det republikanske partiet.
– Iowa er verken særleg stor eller særleg folkerik, og dei som vann nominasjonane i det republikanske partiet i delstaten i 2008, 2012 og 2016, vart ikkje presidentkandidatar. Likevel vert det no, etter valet denne veka, snakka som at nominasjonsprosessen er avgjord. Kva gjer Iowa så viktig?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
