– Ein stat utan grenser
– Regjeringar i demokratiske statar er under eit stort press når det gjeld å ha eit tydelegare språk for å få til ei fredeleg løysing mellom Israel og palestinarane, seier Hilde Henriksen Waage.
Statsminister Jonas Gahr Støre (Ap) og utanriksminister Espen Barth Eide (Ap) kunngjer at regjeringa vil anerkjenne Palestina som sjølvstendig stat frå 28. mai.
Foto: Erik Flaaris Johansen / NTB
Den israelske ambassadøren til Noreg, Avi Nir-Feldklein, kommenterte onsdag denne veka avgjersla til regjeringa om å anerkjenne Palestina som sjølvstendig stat: «I dag har forholdet mellom Norge og det israelske folk nådd et bunnivå», og «dette kommer ikke til å hjelpe palestinere, og det kommer ikke til å endre forholdene på bakken», sa han til NRK. Sylvi Listhaug, leiar i FrP, besøkte den israelske ambassaden tidlegare på dagen. Ho uttalte til VG at anerkjenninga, som ho ser på som ei symbolsk handling, har øydelagt Noregs rolle som mogleg fredsmeklar i konflikten mellom Israel og palestinarane. Også KrF og Høgre har uttalt at dei er usikre på om anerkjenninga no vil føre til at ein kjem nærare ei politisk løysing på konflikten.
SV, MDG og Raudt på den andre sida er nøgde med avgjersla.
Statsminister Jonas Gahr Støre var på pressekonferansen tydeleg på at heilt sidan Oslo-avtalen har strategien vore at anerkjenninga skulle kome etter ei fredsløysing. Men dette har ikkje fungert, og palestinarane kan ikkje lenger vente til etter ei fredsløysing, sa han. Støre la òg vekt på at ei anerkjenning kan styrkje dei moderate kreftene på palestinsk side.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
