Utanriks
Eit kynisk spel på grensa
Same korleis vi snur og vender på det, er EU-landa forplikta til å taka mot søknader om asyl på grensa, seier Flyktninghjelpen.
Hundrevis av flyktningar har sett opp teltleir i Kviterussland, heilt inntil den polske grensa. Fotoet er teke av det polske forsvarsdepartementet onsdag denne veka.
Foto via Reuters / NTB
Kviterussland er den mest totalitære staten i Europa og vert styrt med jarnhand av diktatoren Aleksandr Lukasjenko, som har styrt landet sidan 1994. På grunn av stadig grovare menneskerettsbrot har EU og Noreg innført stadig strengare sanksjonar mot landet, som i stor grad har vore lukka mot omverda. Men dei siste fem månadene har landet opna opp flyruter til Midtausten, og i desse flya har det vore flyktningar frå Irak, Afghanistan, Jemen og Syria, berre for å nemna nokre få.
Personar frå desse landa har for fyrste gong kunne reisa visumfritt inn i Kviterussland. Financial Times trur det er 10.000 flyktningar frå det utvida Midtausten i Kviterussland. Særs mange har reist til den polske grensa for å søkja om asyl der. Dei har alle vorte avviste og tvinga attende. Polen seier vidare at dei har registrert 26.000 freistnader på kryssa grensa ulovleg. Eirik Christophersen er seniorrådgjevar i Flyktninghjelpen.
– Bør Polen opna grensa og sleppa inn alle desse menneska?
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
