Krig
Eit nødvendig vonde?
USA skal sende klaseammunisjon til Ukraina. Fleire land protesterer mot denne avgjerda, men både Russland og Ukraina har brukt klasevåpen sidan den fullskala invasjonen tok til.
Noreg har donert 22 M109-artillerikanonar som kan skyte klaseammunisjonen USA no skal sende til Ukraina. Her frå ei øving i Finnmark.
Foto: Ole-Sverre Haugli / Hæren / Forsvarets mediesenter / NTB
Det er ikkje så ofte ein høyrer kritiske røyster mot å sende våpen og ammunisjon til Ukraina lenger, men då avgjerda om å sende klaseammunisjon vart kjend førre veke, kom det sterk kritikk frå fleire hald. Mellom anna uttalte seniorrådgjevar i Norsk Folkehjelp, Grethe Østern, til Dagsnytt 18 at prosentdelen granatar som ikkje blir detonerte, er såpass høg at områda der denne typen ammunisjon blir brukt, «blir teppelagt med det som i praksis er miner».
Andre er usamde. I Aftenposten skreiv Torkel Brekke, professor ved OsloMet og deltidstilsett i tankesmia Civita, at Ukraina tvert om treng klaseammunisjon for å kunne halde fram med å frigjere landet på ein effektiv måte. Han argumenterer mellom anna med at områda der ein skal bruke desse våpena, alt er minelagde, og at det derfor ikkje har noko å seie for oppryddingsarbeidet.
Noreg og dåverande statsminister Jens Stoltenberg tok i 2008 initiativ til å forby klasevåpen. Over hundre land har sidan skrive under FN-konvensjonen The Convention on Cluster Munition, som forbyr all produksjon, lagring, eksport og bruk av klasebomber. Dei krigførande partane, Russland og Ukraina, har ikkje underteikna avtalen. Det har heller ikkje USA, som no har vedteke å sende klasevåpen til Ukraina.
Digital tilgang – heilt utan binding
Prøv ein månad for kr 49.
Deretter kr 199 per månad. Stopp når du vil.
